أنتظر وصولي لعمر ال 18 سنة حتى أفعلها!

مرحبا انا فتاه بعمر 14 سنه تربيت في بيئه عائليه متفككه امي وابي كان دايما المشاكل بينهم ماعشت فتره طويله مع ابي كنت اغلب الوقت عايشه عند بيت جدتي (والده امي) ولما ارجع للبيت الاصلي دايم ابي وامي مشاكل بينهم وصراخ واحيانا ابي يطردنا من البيت كلنا ونروح كالعاده لبيت جدتي..... كنت دايم خايفه بس بالمدرسه كنت طبيعيه وعندي صديقات لما كبرت عرفت اختي مريضه نفسيا... انفصام بالشخصية وكانت دايم تصرخ وتتعارك مع الكل وكانت تستقوي عليا لانني اصغر وحده للعلم عمرها حاليا 28 .... بعد فتره امي قررت تترك البيت انتقلنا كلنا لبيت جدي عشان نتخلص من ابي ومشاكله بعدها انتقلنا لبيت ثاني وثالث ورابع وبدت مشاكل ماديه وديون ع امي فأستقرينا في بيت قديم يكون بيت ثاني لجدتي عشنا فيه مجانا بدون ايجار.... المشكله هنا صار في اثنين مجانين ف البيت!!!! اختي الي فيها انفصام واخت جدتي مدري عن قصتها بس هي مجنونه كليا ما تتحكم بنفسها وتصرخ طول الوقت بكلام مو مفهوم تخيلو!!! عشت حياتي بين اثنين مجانين تسكت هذي تصرخ هذي ونسيت اذكر انني بعمر 9 او 8 تعرضت لتحرش جنسي من قبل استاذ في المدرسه .... امي وابي انفصلوا وقررو الطلاق وامي عرفت ان ابي كان متزوج من زمان من وحده وهذا شجعها اكثر للطلاق..... نجي لحالتي النفسيه اول شي انا متناقضة جدا ومزاجي متقلب اخاف من الناس واكرههم، اكره احد يملي علي رغباته بس المشكله اختي جدا متسلطه واختارتني انا لتتحكم فيني تتحكم بكل شي حرفيا!! اكلي ولبسي وطريقه كلامي وكلشي!!! انا والله تعبت منها وبعد اذا خالفتها تبدأ تستعمل اسلوب الضرب و السب والصراخ.... طبعا لا تسألو اهلي وين من كل هذا ، كلشي قدامهم وما عملو شي بس يتفرجو.... شخصيتي صارت جدا ضعيفه بس احاول قد ما فيني ما اظهر ذا الشي للناس ما انكر انني اكثر من مره بكيت لا اراديا وما قدرت امسك نفسي بس اغلب الاوقات اسيطر على نفسي وابكي بمكان ماحد يسمعني و يشوفني فيه.... اختي المجنونه متدينه بس المشكله صارت تخرب الدين وتحكي اشياء عنه وتألف اشياء وتفسر سور القرآن من راسها وكثير كثير والله لو احكي ماتصدقو... كرهتني الدين والله كرهته صرت اسب كثير وما اطيق الصلاه ولا القران واكرههم كله بسببها حسبي الله عليها، بالنسبه للاهل اهمالهم مو طبيعي ولا عمره احد سمعني وحاول يخفف عني عائله متفككه خواتي ف بيت جدتي الاصلي واحنا في بيتها الثاني و ابوي في بيت ثالث... اكرههم اكره عائلتي بحجم كل شي عانيته وحدي حسبي الله عليهم اكرههم بسببهم حتى الدين كرهته بعد فتره من هذي الحياه والعيشه بدت فكره الهروب من البيت تجول ف بالي وليش لا؟... ما حصلت شي منهم غير الاهانه مايعرفو عني شي ولا كأنهم اهلي ف ع الاغلب لو هربت ما راح يضر شي طبعا لاحد يقول لي لا تهربي اعرف عواقب الي افكر فيه ولا تقولو لي روحي مركز ومدري شنو انا اريد اهرب لما ابلغ 18 بعدها مايحق لهم يرجعوني بالغصب يخي ما اطيقهم اكثر ناس اكرههم بالدنيا عائلتي الي حرام اناديهم عائلة اصلا عقدوني من كلشي وعلى رأسهم اختي المجنونه الي كرهي لها ما يوسع الدنيا متطلبه متخلفه متذمره شنو ذنبي عشت طفولتي والفتره الي المفروض تكون اجمل ايام حياتي البائسة مع اثنين مجانين؟... طيب انا بعد بصير مجنونه مثلهم و اهرب من البيت واتخلص من الذل الي عايشه فيه افكر اسافر امريكا واغير اسمي واعيش هناك بس مشكلتي ما اعرف كيف احصل تأشيره وكيف اكمل دراستي ومن وين اجيب فلوس و كيف اكمل جامعه كل هالاشياء مخوفتني مستقبلا والاهم كيف بقدر اعمل كل هذي الاشياء وحدي ارجوكم الي يقدر يساعدني بافكار عشان اتدبر اموري مستقبلا لما يصير عمري 18 عشان اهرب وكيف بقدر اعيش هناك وحدي طبعا افكر لما اوصل اتجه لعالم هوليوود بصراحه اعرف الاغلبية يقولو كل مراهق بعمرك يفكر يصير مشهور بس انا منجد من ايام الطفوله احلم بحياه الشهره و الاضواء ومنجد اتمنى اصير مشهوره وطبعا العادات والتقاليد الي هنا مستحيل تسمح لي احقق هذا الحلم وهذا سبب ثاني يخليني افكر اهرب اتمنى ماحد يفكر ينصحني اتراجع عن قراري لانه نهائي انا بس ابغا افكار تساعدني لما اهرب هو صح بعد 4 سنين بس اريد افكر من الحين واعمل خطه ومشكورين واسفه طولت عليكم بس ياليت تساعدوني