زوجي ملّ مني بسبب قلة خبرتي في هذه الحياة

امي كانت متوفيه تعذبت على يد ابي وزوجته ابي رجل قاسي ما احس اني بنته يكرهني ويكره امي كان يضربها وهي مريضه بالسرطان حتى توفت بالمرض وماكان يرفع ايده بضربها حتى وهي مريضه وزوجته تحرضه عشت معهم بين اربع جدران اخدمهم واخدم اخواني وساكته انضف واغسل وبس ما اتكلم ولا اسال ولا اختلط بالناس كني شغاله عندهم بس وما اعرف شيء بالحياة ولامعي جوال ولا اجلس على التلفزيون لمن صار عمري فوق 22 زوجوني ورحت مع زوجي ما اعرف شيء وكنت مفكره انو الزواج اثنين يعيشون مع بعض في بيت واحد والمراه تخدم الرجل فقط هذا اللي كان في بالي في ذيك الليله قرب مني زوجي ومسك ايدي ونفضت ايدي منه وخفت قلت عيب ليش تمسك يدي وابتعدت عنه قال عادي انا زوجك وقرب مني يبي يعاشرني خفت خوف شديد وكنت مستغربه ليش يسوي كذا وصرت ابكي واضربه اقول عيب لا تقرب مني بعلم بوي قال برجعك لاهلك بكيت قلت ما ابي بجلس هنا بس لاتقرب مني هو استغرب وقال منتي بصاحيه اكيد فيك مس وصار يقرا علي طلعني السوق ماعرفت اشتري وكنت ادور في السوق ما اعرف شيء ابد في الحياه صار عندي الحين ولدين بس الي الحين ماعرف اشياء كثيره في الحياة وزوجي مل وصار يطلع كثير من البيت مع اني اجتهد واحاول اتعلم كل يوم بس في اشياء كثيره ما افهمها والمشكله الثانيه ان ابوي يكرهني مدري وش السبب ولما يصير خلاف بيني وبين زوجي يقولي زوجي اسكتي وعيشي ترا ابوك مايبيك اتمنى ان معي اب زين وام ازورهم طول وقت زواجي في بيتي ماجلست عندهم ولا يوم مره جيت اسلم عليهم قالي ابوي وش تبين قلت ابي اسلم قال احنا بخير ارجعي لبيتك ومن وقتها ماعد جيتهم زوجته بعد تكرهني مع اني والله اني طيبه معها وكنت اخدمها