زوجي يعيش نظرية المؤامرة!

السلام عليكم انا متحوزه من 3 سنين عندي ولد وبنت اتجوزت زوجي جواز تقليدي وسافرت معاه بلد تانيه عمري ما حسيت بالقبول نحيته او الانجذاب ليه في فتره الخطوبه بعد الجواز كان كويس وطيب وبس عنده مشكله انه حاسس ان الدنيا كلها ضده وان الناس كلها بتكرهه وانه فاشل وبيسمع اصوات محدش بيسمعها غيره ساعات بكون سامعه صوت بس مش عالي زي ما هو بيقول بيفضل يشتكي علي طول من كل حاجه وعلي طول نكد يعني يوم الفرح زعلان يوم ولاده الاولاد اي يوم علي طول حياتي نكد في نكد وعايش في نظريه المؤامره ان كل الناس بتخطط تاذينا وان هنموت ونسيب العيال وهيفصلوه من الشغل ومش هنلاقي ناكل وهنترمي في الشارع انا تعبت وبفكر في الطلاق واهلي بيقولوا ده مش سبب طلاق اعمل ايه رافض يروح يتكلم مع حد وانا بقيت بكره جدا اعمل ايه