أكره أمي لأنها سلبية وبخيلة وتعيش دور الضحية

مدري من وين ابتدي لكن امي انسانه سلبيه تحب تعيش دور المظلومه والحزينة في ايام مراهقتي عيشتنا بجحيم بسبب كثرة مشاكلها مع اقاربها طول اليوم تتكلم عن المشكله والبيت يصير كئيب كنت اتعاطف معها لكن كبرنا صرنا نطفش من هالكلام وندرك أنها جزء من الغلط،ماتحب الناس دايما تردد الناس ماتستاهل،بخيلة حتى علينا تستكثر كل شي وتحاسب على كل شي لمن كنت صغيره ويجوني صديقاتي ماتبيني احط لهم ضيافه وكبرنا وزاد بخلها تحاسب على كل شي وتبخل على كل شي حتى اننا تعرضنا للتنمر واحنا صغار بسبب ملابسنا المهترئه والمتوارثه رغم احوال ابوي ممتازه ودايماً تحرجنا مع زوجات اخواني تطبق عليهم اللي عملته لها جدتي ام أبوي تعطيهم اشغال منزليه رغم انهم مو ساكنين معاها بالبيت لكنها تستغلهم رغم هالشي مو عاجبهم لكنهم يتجنبون المشاكل،نكون كلنا بناتها جالسين بس تطلب طلبات من زوجات أخواني فلانه قومي فتحي الباب للضيف فلانه جيبي لي ماي (واهي تقدر تسوي بنفسها )ويكون اخوي جالس ليه ماتطلبين من اخوي؟ ليه ماتطلبين منا؟ ودايما تسوي هالحركات بس تبي تنتقم من ماضيها أصلاً هي الشي اللي تنتقده تسويه وكأنها تبي تجرب كل قبح العالم وانا حامل تكلفني بمهام وماتختار الا الشخص التعبان تزيد علي اذا صرت حامل وكأنها تتسلط علي لكنها عديمة إحساس وتخليني اروح واجي رغم اختي الصغيره تكون جالسة لكنها المفضله والمدللهه لمن اقول لها يمه تعبت تقول لي اذا ولدتي بقول لك تعبت ولابسوي لك شي ! يعني انا بروحي تعبانه وحساسه في فتره حرجه ..تفعل الخير وتمن فيه حتى احنا ابناؤها تعلمنا نمن على بعض وان ماحد يستاهل ولاتسوين لأخوك واختك ولاتخدمينه ماحد يستاهل التعب لمن فهمتها ان تفكيرها غلط واني اذا بسوي شي لهم بسويه بداعي الأخوّه مو منتظره شي من أحد ماعرف كيف تعلمنا كذا طريقة سيئه في التربية! اقسم بالله امي نوعها غررريب ،فضولية وحسوده تسال زوجة اخوي عن صحة امها اذا سمعت انها سافرت تقول لها شلون امك تقعد وتوقف عادي خفيفه في الحركة؟ ظهرها زين؟ واكثر من مره تكرر هالسؤال بالله هذي اساله تنسأل ؟حتى ان بعض معارفها مايجون بمناسباتنا بسبب ان امي كثيرة أسأله خاصة الكل ينفر منها..وانها كثيرة كلااااااام ماتوقف كلام تعبت من كثر ما انصحها واذا نصحتها تزعل وتتحسس مع اني انصحها بأسلوب حلو ورقيق لكن تقلب علي وتكرهني اذا نصحتها مو من البر الانسان ينصح أمه؟ ،اشوف اغلاطها وأسكت؟ فيه اشياء ماينسكت عنها مثلا تتكلم قدام حفيدتها انها مو حلوه او تضحك وتتمسخر على شعر احد من احفادها المجلس يصير كله صمت لان الكلام ماينقال ولايستدعي الضحك وهي كبيره بالسن مو حلو منظرها ابداً صرت اكره الجلوس معها واخفف زياراتي لأهلي لأنه كلا كلامها غثيث واخطاء بأخطاء وطاقة سلبيه ونكد ،دايما تذكرني بأخطاء زوجي ببداية الزواج وكأنها تتعمد تأذيني نفسياً الى ان قمت ارفض اسمعها وافهمها ان مابي افكر بالماضي وان زوجي انسان زين بس هي تحب النكد ولاتتقبل النصيحه ولاتبي تتغير وتقول عننا عاقين وكل فتره تختار شخص تكون مو راضيه عنه وتتكلم فيه عند الكل وتهضم حقه وأهي اللي تأذينا بكلامها ،يالمني اني صرت اشوف امي بهالنظرره من بعد ماكنت اعشقها وانا طفله كبرت وادركت حقيقتها وانها انسانه متعبه حتى في صغري كانت دايما مو عاجبها لون بشرتي وتقول لي لاكبرتي رح تصيرين بيضه ،كأنك اليوم صايره بيضه؟ تراقب لوني..مع ان بشرتي فاتحه لكنها عقدتني ببشرتي والحمدلله اني فكيت العقده..وما انسى اني انحرجت وانا طفله قدام الضيوف اللي يجوني بسبب اني ماقدمت شي لهم كانت تشوف اخوي يضربني ويضطهدني ولاتسوي شي ولاتنتبه أصلاً النتيجة ككبر اخوي وقطع علاقته فينا وفيها من سنين بسبب سوء أخلاقه..في داخلي حزن وعتاب كثير عليها بدأ يتحول الى كره تخلي اللي يجلس معها طول الوقت على أعصابه ومقهور لكني احاول اتغاضى عن مشاعري وامحيها المواقف هذي كلها نقطه من بحر