أنفي المحدب سبب لي عقدة نفسية وأرفض الزواج لهذا السبب

السلام عليكم انا فتاة ابلغ من العمر 23 سنة مشكلتي انفي المحدب الذي اخدته عن والدي و سبحان الله انا الوحيدة اللي طلعتلي حدبة من بين اخواتي هي المشكلة اثرت عليي كتتتيير انو ما ضلت ثقة بنفسي و اي تنين شفتون بيضحكو بقول انن بيضحكو او بيحكو عشكل انفي مرات بتكون شي جماعة واقفين و انا مارأة من هنيك ورح يشوفوني من الجنب بحب تنشق الارض وتبلعني و ما يشوفو انفي. و الله كتيير تعبت من هالمشكلة يعني شكلي حلو من قدام و شعري حلو و جسمي كل البنات بيقلولي بيعقد و متناسق و انا كمان بحب كلشي فيي من غير هلحدبة و بدي اعمل عملية تجميل بس والدي مستحييييل يوافق .و كتيير مرات بيجي شي شب بيحكي معي و يقلي عيونك و شفايفك كتير حلوين و انت حلوة كمان بس بصير بقول ببالي كلن بيقلولي عيونك و شفافك حلوين هاد بيعني اديش انفي قبيح و بشع او بقول هالشب قلي هيك لانو ما شافني من الجنب و اكيد لما رح يشوفني و يشوف انفي رح يندم انو حكاني .و المشكلة هلا اجا يتقدملي شب حلو قال انو دايما بيشوفني لما بكون رايحة عالجامة و كتير عجبتو اجا لبيتنا و حكا مع اهلي مشان يجيب اهلو ليتزوجني ولما خبروني بالموضوع و شفت اديشو حلو صرت ابكي و قول انو اكيد ما شاف انفي و اذا قبلت لما رح يشوف هالحدبة بانفي رح يلغي كلشي بسبب انفي و ما رح ضل عاجبتو لمهم طلب انو يشوفني ويحكي معي و يعرف جوابي بس رفضت لانو ما حبيت يشوف انفي بس ابي اصر كتيير لهيك رحت و شفتو و حكينا و كتير رتحتلو و عندو نفس اهتماماتي و في بينا انسجام رهيب بس انا طول الوقت عم فكر بشكل انفي و انو لما روح عالبيت رح يغير رأيو فيي بس صار العكس بعتلي مسج اديش عجبو شكلي وطريقة تفكيري و حكيي وصار يقلي انتي اللي بدي ياها تكون شريكة حياتي و ام ولادي فرحت كتير لهل حكي بس لما اجي نام بصيربتعدب بنقهر و برجع فكر بانفي وانو هو ما حب يجرحني و لما بيشوفوني اخوانو و اصحابو رح يشمتو فيه عشكل انفي. و الله و الله ما بتتخيلو اديش هالانف مسويلي عقدة كبييرة بحياتي و لهلا بفكر ارفض هالشب و امحي فكرة الزواج تماما من بالي كلو بسبب حدبة انفي.