صورة علم Saudi Arabia
من مجهول
منذ سنتان 63 إجابات
11 0 0 11

أريد طبيب نفسي ليمنعني من العلاقات مع الشباب

السلام عليكم انا بنت عمري 19 سنه مشكلتي ابتدت من 6 سنوات يعني من اول متوسط تقريبا .. قبل لا اطرح مشكلتي امانه مابغى اجوبه جارحه لاني مكتفيه .. في اول متوسط بديت ادخل شات واكلم شباب وماسنجر وغيره .. باسم مستعار وعمر كذبي وشخصيه بعيده كل البعد عن شخصيتي .شوي شوي ومع السنين وبثالث متوسط تعرفت على شاب من الالف الي اعرفهم من نفس مدينتي .. اوهمني بالحب والعشق وثقت فيه علمته اسمي وعمري وحبينا بعض سنه كامله وباول ثانوي طلب مني اطلع معاه لكنني ماقدر فاقترح علي يجي بيتنا بالفجر وفعلا جا :( امي حلمت حلم ليلتها وقامت تدورني وماشافتني وطلعت الحوش وهو طلع يركض .. ماكانت عندي جرأه اقولها الي معاي ولد بس لما فتشت الجوال اكتشفت .. قسم بالله انه مالمسني وودوني المستشفى فحص بكاره وهذاك الموقف اذى لي نفسيتي وعدم ثقتي بنفسي .. انسحبت اجهزتي وليتني تبت لله ..رحت دورت جهاز ثاني وصرت استعمله بالخفا وانصدت وانضربت وصرت منبوذه ولا تبت .. ي اخوان المشكله من 6 سنين لين قبل ساعات انصدت بجهاز ثالث محتواه كله سوالف مع شباب بعدة شخصيات .. اهلي تعبو مني وانا تعبت من نفسي بس لازلت حاطه ببالي ان حياتي السيئه لابد اشوف لي شخص يطلعنئ منها .. نسيت اقولكم خلال هالست سنين شباب كثير وعدوني بالزواج وانخذلت وتبلدت وصرت اكلم لاني احس بفراغ ولاني ابي واحد يحبني ويوثق فيني ويتزوجني .. انا ابحث عن الزواج وادري كثير بيقولو بعدك صغيره بس انا ابي احصن نفسي والله وابتدي حياة جديده .. حاليا والله خوف مو طبيعي يتملكني ومابغى ارجع اكلم شباب بس ادري نفسي ضعيفه .. ومتفشله ابي الجوال الي عندهم ينمسح كل شي فيه مابي احد يتطلع عالي فيه .. مليت وتعبت ومرضت اهلي وياي 4 سنين يكتشفونئ وارجع ابي علاج نفسي .. اهلي اكيد بينحرجو يوديني لطبيب نفسي .. انتو وش رايكم هل مشكلتي تتوجب هالشيء انا تعبت والله وانقرفت وابي بس شخص يحبني وابتدي حياة جديده :'(